El miércoles 24 de xunu, a les 19:00 h, la Casa de Cultura de La Felguera acueye la presentación de Poemes pa neños y neñes, un nuevu poemariu infantil n’asturianu espublizáu por Pintar-Pintar Editorial.
Na presentación van a participar Solinca Turbón, autora de los testos, y Cecilia Díaz, ilustradora del llibru, que van a compartir col públicu’l procesu de creación d’esta obra pensada pa los primeros años de vida.
Poemes pa neños y neñes busca favorecer un averamientu a la cultura propia dende los fechos cotidianos, usando temes cenciellos como los llugares, los oxetos, el clima, la naturaleza o’l nuestru entornu más cercanu. Un llibru que naz col enfotu de fomentar l’amor y el respetu pola llingua asturiana, faciéndolo d’una manera cercana, prestosa y enllena de sensibilidá pa la reciella.
Presentación de Poemes pa neños y neñes
Con Solinca Turbón y Cecilia Díaz
Miércoles, 24 de xunu · 19:00 h
Casa de Cultura de La Felguera
Una ocasión mui especial pa conocer esti poemariu infantil n’asturianu y celebrar la llingua, la infancia y la poesía.
Pintar-Pintar Editorial | Blog 
Deja un comentario