¿Qué ye la xira didáctica?
La Xira Didáctica ye un proyectu de dinamización cultural y educativa pensada pal alumnáu de llingua asturiana y lliteratura y d’eonaviegu. La Xira pon a disposición de los centros educativos asturianos una escoyeta d’actividaes culturales y educatives creaes pola industria cultural asturiana nes que les llingües vehiculares son l’asturianu o l’eonaviegu, pensaes pa unos rangos d’edá específicos. Estes actividaes preséntense en formatos artísticos variaos: arte dramáticu y música a lo primero, a los que se van dir incorporando, en convocatories vinientes, una variedá bien amplia de disciplines artístiques. Toes elles escoyéronse por combinar valores lúdicos y educacionales: conteníu educativu singular, valor artísticu notable y adecuación al públicu oxetivu.
La Xira Didáctica preséntase nun catálogu zarráu de propuestes culturales programaes en feches y llugares específicos de toa Asturies cola mira de que tola comunidá educativa tenga accesu a ella. La ufierta d’actividaes va facese pública al traviés de los medios institucionales habituales: Portal educativu Educastur y http://www.asturiesculturaenrede.es. Cada centru con alumnáu d’asturianu o d’eonaviegu va tener que valorar qué actividá o actividaes-y cuadren, pa lo que va tener que siguir les pautes pa solicitales.
Criterios de participación
- La participación nesti programa ye GRATUITA.
- Si fore necesario, cada centru va asumir los costos que pueda ocasionar desplazase hasta la sede onde se van facer les actividaes.
- Pa participar nesti proyectu ye menester formalizar una reserva. Ésta ha facese pol centru educativu de manera telemática unviando al corréu electrónicu la ficha de reserva axunta.
- El plazu d’inscripción va ser del miércoles 17 de setiembre a les 9:00 al xueves 30 de setiembre a les 23:59 hores.
- Desque se reciban toles solicitúes, les places van asignase según estos criterios:
- En casu d’empate, va tenese en cuenta lo primero’l porcentaxe de matriculación n’asturianu del centru y lo segundo l’orde d’inscripción.
- En tolos casos les places han confirmase al traviés del corréu electrónicu facilitáu na tramitación de la reserva primero del vienres 4 d’abril.
- La participación nuna actividá distinta a la yá concedida va limitase a la disposición de places llibres depués del procesu d’asignación de toles primeres solicitúes realizaes polos centros.
- Va tener prioridá l’alumnáu matriculao en Llingua Asturiana o n’Eonaviegu. Si quedare disponibilidá d’aforu, va dexase participar a otru alumnáu interesao.
Pintar-Pintar na Xira Didáctica
Pintar-Pintar participa nesta edición de la Xira Didáctica con dos propuestes pal alumnáu d’Educación Primaria, entamaes pa fomentar la llectura, la creatividá y la espresión artística:
1 – Bruxa. Cuntacuentos y taller de conxuros máxicos con Pablo Fraile Dorado
2 – ¿Qué cosa cosadiella ye? Adivinances con Montserrat Garnacho
1 · Bruxa. Cuntacuentos y taller de conxuros máxicos
Con Pablo Fraile Dorado
- 29 d’ochobre de 2025, 12:00 h — Biblioteca de Mieres / INSCRIPCIÓN (gratuita)
- 23 d’abril de 2026, 11:00 h — Casa de Cultura de Riosa / INSCRIPCIÓN (gratuita)
«Yá ye la nueche de Samaín, y la bruxa Gorgona nun atopa la escoba. La bruxa, ensin la escoba, nun pue volar pal pueblu, nin asustar a los guah.es nin esmellar calabaces nin marchar con carambelos. La bruxa Gorgona perdió la escoba. ¿Ónde tará la escoba de Gorgona?»
Asina entama’l llibru que da nome a una actividá que va dividise en dos partes: cuntacuentos y taller de conxuros. Pablo Fraile Dorado, l’autor del testu de Bruxa, va cuntar la historia con monigotes, mázcares y, sobre manera, cola ayuda del alumnáu de les escueles. Depués del cuntacuentos, l’autor va entamar un taller de conxuros pa que l’alumnáu faiga maxa coles palabres. Cada neñu o neña va escoyer, con procuru, les palabres exactes pa componer el so conxuru ensin acabar convertíu o convertida en mur.
📖 Cada sesión inclúi 20 exemplares del llibru pa’l centru o’l alumnáu participante.
Más conteníos:
- Galería de fotos
- Primeres páxines
- Más información
- Dossier de prensa (.pdf)
- Propuesta d’actividaes .pdf
2 · ¿Qué cosa cosadiella ye?
Adivinances con Montserrat Garnacho
- 18 de marzu de 2026, 10:00 h — Casa de Cultura de Veiga (Navia) / INSCRIPCIÓN (gratuita)
Les cosadielles enxamás fueron solo un xuegu infantil, sinón, yá dende l’antigüedá, una forma de comprender y aprender. Una puertiquina que la mente abría -y abreal mundu pa conocer los secretos del ser y el paecer, de la vida y el sentíu de les coses d’alredor (animales, vexetales, oxetos) o les que guardamos nel pensamientu (sentimientos, conceptos, seres…), valiéndose pa eso de la observación y de la imaxinación y envolviendo esi conocimientu, pa poder tresmitilu, en xuegos de palabres: en metáfores, imáxenes, comparaciones, perífrasis; convirtiendo la mirada y el pensamientu en palabra poética, en Lliteratura.
📖 Cada sesión inclúi 20 exemplares del llibrín Adivina adivinanza (Y contóme un secretu).
Más conteníos:
👉 Amás d’estes dos propuestes de Pintar-Pintar, dientro del programa de la Xira Didáctica podrá atopase tamién la actividá:
Breve inventariu de los seres escondíos. Taller con Miguel Rodríguez Monteavaro
Basáu nel llibru publicáu por Pintar-Pintar, esti taller convida a la reciella a xugar cola imaxinación y crear el so propiu bestiariu fantásticu. Más información y primeres páxines
- 10 d’ochobre de 2025, 12:30 h — Auditorio As Quintas (El Franco) / INSCRIPCIÓN (gratuita)
- 16 de marzu de 2026, 11:00 h — Teatru Vital Aza (L.lena) / INSCRIPCIÓN (gratuita)
Pintar-Pintar Editorial | Blog 
Deja un comentario