Esti 2025, la llingua asturiana vuelve a tener presencia destacada na Feria Internacional de Muestres de Xixón (FIDMA), al traviés del espaciu coordináu por Iniciativa pol Asturianu. Esti espaciu, allugáu nel pabellón 3-4 del Palaciu de Congresos (estand 14), acueye empreses y entidaes de dellos sectores que usen l’asturianu como parte fundamental de la so actividá.
Dientro d’esti espaciu, tamién tán presentes los últimos títulos n’asturianu del nuesu catálogu editorial, una muestra pequeña del nuesu compromisu cola llingua y la cultura asturianes.
Ellí pueden alcontrase estos llibros:
- Adivina adivinanza… y cuntóme un secretu, de Montserrat Garnacho y Laura Varela
- Bruxa, de Pablo Fraile Dorado y Antonio Acebal
- L’elefante Tante, de Mª Esther García López y Ester Sánchez
- Prau, de Daniel García Granda y Ester Sánchez
- Versos d’Asturies, de Daniel García Granda y Ilemi Cuesta Mier
Animámoste a dir al espaciu d’Iniciativa pol Asturianu, conocer toles propuestes n’asturianu y mercar dalgún llibru que fale d’Asturies na nuesa llingua.
Pintar-Pintar Editorial | Blog 
Deja un comentario