Tamos mui contentos d’anunciar que «Bruxa» el álbum ilustráu de Pablo Fraile Dorado con ilustraciones de Antonio Acebal, llega a les llibreríes na so segunda edición.
Nesta hestoria máxica, Gorgona, la nuesa bruxa protagonista, enfréntase a un gran problema na nueche de Samaín: ¡perdió la so escoba! Pa recuperala, tendrá de buscar ayuda ente personaxes tan particulares como un sapu cosacu, un espantaxu poeta y una pega faladora, too baxo la cantinela d’un grupu de pantasmes traviesos.
Esta hestoria ye ideal pa la reciella, porque axunta humor, tenrura y aventura, ensin escaecer los valores de la cooperación y l’enfotu. Perfeuta pa celebrar Samaín con munches rises y un poquitín de mieu.
¡Nun quedéis ensin ella! Bruxa yá ta disponible pa toles neñes y neños que quieran sumase a la busca d’esta bruxa tan especial.
Resume:
Yá ye la nueche de Samaín, y la bruxa Gorgona nun atopa la so escoba.
La bruxa, ensin la escoba,
nun pue volar pal pueblu,
nin asustar a los guah.es
nin esmellar calabaces
nin marchar con carambelos.
La bruxa Gorgooona
perdió la escoooba.
¿Ónnnde tará
la escoba de Gorgooona?
¿Coyísti-yla tu?
*FSC / Impreso en papel que procede de viesques que cumplen principios de xestión económica, social y ambiental sostenibles.
Ficha técnica:
| Testos: Pablo Fraile Dorado | ISBN: 978-84-125324-3-2 |
| Ilustraciones: Antonio Acebal | Númberu de páxines: 32 |
| Formatu: 21 x 26 | Idioma: asturianu |
| Encuadernación: tapa dura | Añu d’edición: 2022 / 2024 – (2.ª Edición) |
Más conteníos:
- Galería de fotos
- Primeres páxines
- Más información
- Dossier de prensa (.pdf)
- Edición dixital
- Edición en castellán
#Bruxa #Asturianu #LliteraturaInfantil #Samaín #LletresAsturianes #SegundaEdición #PintarPintar
Pintar-Pintar Editorial | Blog 
Deja un comentario