fbpx

«Páxines del diariu de Simón» de Vicente García Oliva ente los 10 meyores llibros infantiles espublizaos en 2019 pa nenos de 8/10 años.

Cada añu la prestixosa revista de lliteratura infantil CLIJ presenta la so Llista d’Honor coles mires de facilitar la selección de bonos llibros, sobremanera a profesores y bibliotecarios, pero tamién a padres y madres, estudiosos ya interesaos na lliteratura infantil y xuvenil polo xeneral. Esta llista, ellaborada a partir de los casi 300 títulos que se reseñaron na revista a lo llargo de 2019, quier reflexar los 100 meyores llibros del añu, agrupaos por edaes, por tantu de ficción como de conocencies, cómic, regalu y ensayu, a xuiciu de los miembros de la redacción de CLIJ y de los sos collaboradores habituales. 

Ente la llista d’anguaño atopamos la edición n’asturianu del álbum ilustráu Páxines del Diariu de Simón, del escritor Vicente García Oliva y la ilustradora Inés Sánchez Nadal. 

Tien méritu qu’un de los nuesos llibros tea incluyíu ente «Los 100 meyores llibros del añu 2019» según la revista CLIJ. Y más si se refier a la so edición n’asturianu. Méritu pa los que lo fixeron realidá, autores y editorial, y méritu pa la revista CLIJ que señala un llibru editáu na llingua asturiana, reconociendo daqué obviu: que ye una llingua viva. Como en munches ocasiones comentemos: hai coses que nun pueden SER y NON SER al mesu tiempu, y la llingua asturiana YE.

Páxines del diariu de Simón

TESTOS: Vicente García Oliva

ILUSTRACIONES: Inés Sánchez Nadal

ISBN: 978-84-948678-8-0

CÓDIGO BIC: YBC-YFS-5AH

MATERIA: INFANTIL

IDIOMA: ASTURIANO

RESUME: Simón por fin tien un diariu, pero ún de verdá, d’esos con tapes dures y un candáu que amarra secretos como si fueren d’oru. Asina, Simón va vedar les sos esperiencies al so hermanu Julián, daqué fleru. Julián nun va poder lleer la hestoria d’amistá ente Simón y Héctor, un neñu con autismu recién llegáu a clase. Tampoco cómo lo recibe Simón: ensin prexuicios, con naturalidá. Nin qu’Héctor non siempres llogra faese entender, y menos con otros alumnos. El fisgón de Julián tamién se va quedar ensin saber que Simón va defender al so compañeru de pupitre siempres que sía necesariu. Estes páxines son una aproximamientu al autismu dende’l ciñu y el desenfado.

Información sobro el autores

Páxines del diariu de Simón (5).jpg

VICENTE GARCÍA OLIVA

«¿Por qué escribes? Suelen entrugame nes entrevistes  y cuando voi falar cola xente mozo. Y yo respuendo con munches y variaes esplicaciones y colo que s’espera que tengo de contestar: esto, l’otro y lo de más allá. Pero, nel fondu, agora que toi a soles, ¿por qué escribo? Y son munches coses al tiempu, pero quiciás, penriba de toes ye esi sentime como parte d’una llarga cadena, que vien de tiempos antiguos, d’aquellos vieyos contadores de cuentos. De los narradores d’histories. Unes histories que, alredor d’una foguera, esgranaben los homes y muyeres primitivos construyendo les sos cosmogoníes, la socesión de los fechos que formaben la so propia y non escrita historia. Pa que nun s’escaeciere, pa que los más mozos lo recordaren: d’ónde veníen, a ónde diben, cuálos yeren los sos dioses. Asina, seguramente, tres de cada historia que yo cuento, alienda la intención de recordar d’ónde vengo, a ónde trato de dir y cuálos son los dioses que manden en min. O quiciás nun ye por eso…».

INÉS SÁNCHEZ NADAL

«Nací en Valladolid en 1984. Siempres me gustó dibuxar asina que insiguida decidí estudiar belles artes. Empecé en Salamanca y terminé en Barcelona onde quedé amás a estudiar ilustración en delles escueles. Amás de dedicame a dibuxar collaboro con “Wanda Barcelona” faciendo decoraos de papel. Tamién faigo llibros y fanzines nun proyectu editorial llamáu Rosacarmen cola mio amiga Ane Zaldibar. Sía por  encargu o non siempres procuro tener dalgún proyectu personal ente manes». www.inessanchez.es

Distribución / FlipBook / Vídeo promocional 
Galería / Primeres páxines / NOTA DE PRENSA.PDF
TIENDA ON-LINE
VER EDICIÓN EN CASTELLANO
Editorial española especializada en literatura infantil y juvenil.
Entradas creadas 722

Un pensamiento en “«Páxines del diariu de Simón» de Vicente García Oliva ente los 10 meyores llibros infantiles espublizaos en 2019 pa nenos de 8/10 años.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

Comienza escribiendo tu búsqueda y pulsa enter para buscar. Presiona ESC para cancelar.

Volver arriba