El próximu martes, 3 de marzu, a les 19 hores, vamos presentar nel Club de Prensa d’Uviéu el llibru Lin quier esnalar, escritu por Aique Fernandi ya ilustráu por Iranidis Fundora. Esta vegada vamos cuntar cola presencia del escritor y cola nuesa compañera Ángela Sánchez. Iranidis vive en Cuba y quédanos una migayina lloñe pa venir.

La presentación d’un llibru ye siempre motivu de contentu. Y si’l llibru que se presenta ye infantil, más, porque ye como semar pallabres y esperar que espoxiguen nes cabeces de los neños. Nesti casu, dos ediciones con dos idiomes que va ser, seguramente, como semar doble. Asina que más motivu d’allegria.

El llibru narra la hestoria de Lin, un neñu un pocu traviesu y ansiosu por conocer tolo que’l mundu puede ufierta-y. Pa volar solu Lin precisa unes nales, les mesmes qu’el so padre va esbozar sobre un papel y que, un día, van pegáse-y nel llombu. Y…

¡Vémonos el martes pues!

<span id=»selection-marker-1″ class=»redactor-selection-marker» data-verified=»redactor»; id=»selection-marker-1″ class=»redactor-selection-marker»