¿Álbumes ilustraos a 4,95 euros?

Dende’l mes de payares tolos llibros n’asturianu de Pintar-Pintar Editorial (esceuto les dos últimes novedaes editaes) pasen a tener un preciu unitariu de 4,95 euros.

Sí, táis lleendo bien: 42 álbumes ilustraos a 4,95 euros, en llibreríes y tamién na llibrería de la nuesa web (+ gastos d’unviada GRATIS).

consulta equí’l nuesu catálogu completu de publicaciones n’asturianu

Ye la rempuesta, nel idioma d’esta pequeña editorial de llibros ilustraos, a la difícil situación pola que ta pasando la nuesa sociedá, la nuesa llingua y la so lliteratura. Ye un pasu más nel nuesu compromisu pola so sobrevivencia y la sobrevivencia de tolos integrantes de la cadena de valor del llibru. Esta vegada, n’asturianu.