La esposición del llibru infantil “Mieu” abre les XI Xornaes de Lliteratura Infantil y Xuvenil de Samartín del Rei Aurelio
La muestra va poder visitase durante tol mes de payares.
Esti llunes inauguróse na Casona del Bravial de Blimea una esposición na que se recueyen los dibuxos y testos del llibru “Mieu” editáu por Pintar-Pintar. Na inauguración de la esposición tuvieron presentes Gema Suárez Torre, conceyala de Cultura de Samartín del Rei Aurelio y Hugo Cortina Fanjul, responsable de la Oficina de Normalización Llingüística del mentáu conceyu.
La esposición incluye más d’una ventena de llámines nes que se pue disfrutar con detalle d’esti llibru dedicáu a les xeneraciones más moces que cuenta la historia de dos hermanos que se treslladen colos sos pas a una casona antigua al pie d’un faru nel qu’entamen a pasar fechos estraños. L’ilustrador Alberto Sastre ye l’encargáu de da-y vida a los testos de Milio del Nido, lo que da como resultáu una historia que caltién el suspense hasta’l final, a lo que contribuyen en gran midida unos dibuxos que cuiden hasta’l mínimu detalle y atraen al llector.
La esposición va poder visitase na Casona del Bravial de Blimea hasta’l próximu 30 de payares de llunes a vienres n’horariu de 9 a 2 y de 6 a 8 cuando se celebren actividaes pela tarde. D’esti mou inaugúrense les XI Xornaes de Lliteratura Infantil y Xuvenil que se celebren nel conceyu de Samartín del Rei Aurelio y qu’esti añu tienen como filu argumental el mieu, que va ser el protagonista nes distintes actividaes que se van llevar a cabu, ente les que s’incluyen charres, presentaciones, cine y teatru.
La exposición del libru infantil “Mieu” abre las XI Jornadas de Literatura Infantil y Juvenil de San Martín del Rey Aurelio
La muestra podrá visitarse durante todo el mes de noviembre
Este lunes se inauguró en la Casona del Bravial de Blimea una exposición en la que se recogen los dibujos y textos del libro “Mieu” editado por Pintar-Pintar. En la inauguración de la exposición estuvieron presentes Gema Suárez Torre, conceyala de Cultura de San Martín del Rey Aurelio y Hugo Cortina Fanjul, responsable de la Oficina de Normalización Llingüística del citado concejo.
La exposición incluye más de una veintena de láminas en las que se puede disfrutar con detalle de este libro dedicado a las generaciones más jóvenes que cuenta la historia de dos hermanos que se trasladan con sus padres a una casona antigua al pie de un faro en el que comienzan a suceder hechos extraños. El ilustrador Alfonso Sastre es el encargado de dar vida a los textos de Milio del Nido, lo que da como resultado una historia que mantiene el suspense hasta el final, a lo que contribuyen en gran medida unos dibujos que cuidan hasta el más mínimo detalle y atraen al lector.
La exposición podrá visitarse en la Casona del Bravial de Blimea hasta el próximo 30 de noviembre de lunes a viernes en horario de 9 a 2 y de 6 a 8 cuando se celebren actividades por la tarde. De este modo se inauguran las XI Jornadas de Literatura Infantil y Juvenil que se celebran en el concejo de San Martín del Rey Aurelio y que este año tienen como hilo argumental el miedo, que será el protagonista de las distintas actividades que se llevarán a cabo, entre las que se incluyen charlas, presentaciones, cine y teatro.
 |
MieuTestu: Milio del Nido |
Compartir:
Categorías:Pintar-Pintar
Pintar-Pintar Editorial | Blog 
1 respuesta »