L’Ayuntamientu de Samartín del Rei Aurelio, a traviés de les conceyalíes de Cultura, Educación y Xuventú entama les XI Xornaes de Lliteratura Infantil y Xuvenil.
Del 5 al 28 de payares los llibros, el cómic, el teatru, el cine, los escritores y los ilustradores conviértense en protagonistes de la programación cultural del conceyu.

Entre otres actividaes, alcontrarás na Casona del Bravial, Blimea:

Llunes 5 de payares

Inauguración de la esposición de dibuxos del llibru Mieu de Milio del Nido (escritor) y Alberto Sastre (ilustrador).
Horariu de visita: de llunes a vienres de 9 a 14h. Los díes 13, 22 y 29 tamién, de 18 a 20h. Durante tol mes de payares.

Miércoles 28 de payares, a les 19h.

Presentación del llibru Mieu de Milio del Nido y Alberto Sastre

Milio del Nido: Quiciabes seyan los mieos una de les coses que más marquen les velees de los críos perante la neñez; y cada unu tien los mieos que tien, hai de toles clases: al mar, a les altures, a la soledá, a la escuridá… Delles veces pasen los años y, anque yá nun yes un neñu, el mieu sigue ehí, a la gueta, esperándote detrás d’una puerta pesllada o a la revuelta d’un camín ente los árboles, y tienes qu’enfrentate a él pa poder siguir p’alantre, y ye nesi momentu, cuando vas enfrentate, cuando te da’l respigu, y esi respigu, esi, igual ye la cosa más prestosa de tol asuntu. Solo pol respigu merez la pena pasar el mieu.

Mieu Testu: Milio del Nido Ilustraciones: Alberto Sastre Formatu: 18,4×22,9 Encuadernación: Tapa dura ISBN: 978-84-92964-44-4 Páxines: 48 idioma: Asturianu Añu d’edición: 2012 Más información, semeyes y primeres páxines