Pintar-Pintar Editorial | Blog

Yá nes llibreríes Más versos d’Asturies de Daniel García Granda y Ilemi Cuesta Mier.
Agora toca lo más guapu: compartilu en direuto con vós.

Dexámosvos equí’l calendariu de presentaciones:

📍 29 de xineru
Na Llibrería Trabe (Uviéu)

📍 6 de febreru
Na llibrería La Semeya (Noreña)

📍 20 de febreru
N’El Bosque de la Maga Colibrí (Xixón)

📍 27 de febreru
Na Llibrería La Llocura (Mieres)

---

Resume:

«Más Versos d’Asturies» esparde’l mapa poéticu que diera entamu «Versos d’Asturies», con poemes nuevos que rebosen humor, ritmu y emoción. Daniel García Granda torna a xugar cola llingua asturiana, faciéndola música, risa y memoria compartida, acompañáu poles ilustraciones d’Ilemi Cuesta Mier, que dan a cada poema un mundu visual cercanu, tienru y fácil de reconocer. Esti llibru ye un viaxe pelos paisaxes, los pueblos, los sabores y les pallabres que formen parte del día tres día n’Asturies, vistu dende una mirada enredadora y poética que convida a lleer en voz alto, a esfrutar del soníu de la llingua y a perdese nél ensin mieu. Ye un poemariu pensáu pa neños y neñes, pero tamién pa xente mozo y persones adultes que quieran alcontrase otra vegada cola poesía como xuegu, como identidá y como fiesta compartida. «Más Versos d’Asturies» ye una invitación a siguir viaxando per Asturies al traviés de la pallabra y a siguir faciendo de la llingua un llugar nel que tar a gustu.

Ficha técnica:

Testos: Daniel García Granda	ISBN: 979-13-990269-4-8
Ilustraciones: Ilemi Cuesta Mier	Númberu de páxines: 56
Formatu: 21 x 26	Idioma: asturiano
Encuadernación: tapa dura	Añu d’edición: 2025

Más conteníos:

• Galería de fotos
• Más información
• Dosier de prensa.pdf
• Librerías en las que puedes encontrar este libro