Pintar-Pintar Editorial | Blog

Del 2 al 9 de mayu celebramos la 46 Selmana de les Lletres Asturianes, una ocasión especial pa reconocer y dar visibilidá a la creación llingüística n’asturianu. Esti añu, el Gobiernu d’Asturies rinde homenaxe al escritor Xosé Álvarez, Pin, con un ampliu programa d’actividaes.

📚 Día de les Lletres Asturianes — Vienres 9 de mayu

Esti vienres celébrase’l Día de les Lletres Asturianes, y queremos invitar a tola xente a escoyer la llectura n’asturianu. Por ello, nes llibreríes participantes vas poder atopar:

✨ Un 10% de descuentu na compra de discos o llibros n’asturianu
📘 Un exemplar de baldre del llibru Xosé Álvarez, Pin. Asturies siempre.

📣 Anímate a mercar, regalar y lleer n’asturianu

Agora ye’l momentu de buscar títulos n’asturianu que más te presten, defender la nuesa llingua y llevar pa casa llibros que cuenten la nuesa forma de ver y sentir el mundu.

Na nuestra editorial vas atopar una cuidada selección de llibros pa neñes y neños n’asturianu.

📍 Tamién dende Granada

Esti añu celebraremos tamién el Día de les Lletres Asturianes dende Granada, yá que llevamos con nós una cuidada selección de títulos n’asturianu a la Feria del Llibru de Granada, que entama mañana vienres 9 de mayu. Una oportunidá preciosa pa dar a conocer la nuesa llingua y lliteratura más allá de les fronteres asturianes.

¡Celebra les Lletres Asturianes lleendo y regalando llectura n’asturianu!