Candás va acoyer del 11 al 13 de ochobre eI Reguerada Fest 2024 iniciativa del Gobiernu pa crear un espaciu d’alcuentru d’empreses, lliteratura, música, artes visuales y escéniques y gastronomía en llingua asturiana.
Dende Pintar-Pintar vamos participar coles nueses publicaciones n’asturianu nel mercáu na fábrica d’Ortiz y tamién vamos impartir el taller: «Bruxa». Cuentacuentos y taller de conxuros máxicos con Pablo Fraile Dorado.
Adientrámonos na prestosa hestoria d’una bruxa dalgo despitada. ¡Perdió la escoba xusto enantes de Samaín! ¿Podrá volar na nueche más máxica del añu ensin la so escoba traviesa? ¡Veníi a descubrilo al cuentacuentos de Pablo Fraile Dorado, el creador d’esta aventura pantasmal! Depués del cuentacuentos, allega la parte de los conxuros! Caún de vosotros tendrá la ocasión de crear el so propiu fechizu. ¿Qué ingredientes vais escoyer? ¿Pates de xaronca?, ¿mexu de gatu? ¡La imaxinación nun tien llendes! Y pa zarrar l’actividá, tresformarémonos en artistes de la bruxería: con pinceles y pintures, daremos vida a los nuestros conxuros y bruxes de papel. ¿Tais preparaos pa la maxa?
vienres 11 de ochobre a les 18:30 h
Retirar invitación nesti enllaz
Pintar-Pintar Editorial | Blog 
Deja un comentario