fbpx

¡PRE-COMPRA’l llibru «Xosefa de Xovellanos. La Esbelta. La dama ilustrada de les Lletres Asturianes» antes del so llanzamientu ya inclúi el to nome o logo na edición impresa!

Inclúi’l to nome o’l de la persona que tu quieras na nuesa próxima publicación Xosefa de Xovellanos. La Esbelta. La dama ilustrada de les Lletres Asturianes de Vicente García Oliva ya Ilemi Cuesta Mier. Pre-compra disponible.

Resume:

A lo llargo munchos sieglos, cuasi hasta los nuestros tiempos, poques muyeres tuvieron la suerte de figurar nos manuales d’Historia polos sos propios méritos. Sicasí, por ser la fía, la madre o la esposa de dalgún “prohome” destacáu en cualesquier especialidá: rei, guerreru, músicu, pintor, escritor… Y ensin embargu ehí taben. A la solombra de los varones. Esperando, como la Dama Dormiente de la Viesca, a que dalguién viniere a despertales del so sueñu históricu.

Nos últimos tiempos tán apaeciendo biografíes de dalgunes d’eses meritories muyeres que, social, científica o culturalmente, aportaron la so buelga a esti mundu remanáu polos homes: Hipatia, Frida Kahlo, Marie Curie, Rosalind Franklin, Amelia Earhart… podríen ser unos exemplos d’ello. Sería interesante, pues, que los neños y neñes d’anguaño conocieren y valoraren a unes persones con méritos abondo pa figurar na llarga cadena humana de la ciencia y la cultura, que nos traxo hasta los nuestros díes.

Tamién n’Asturies tuvimos y tenemos muyeres merecedores d’esi reconocimientu social qu’agora se ta produciendo. Una d’elles ye doña Xosefa de Xovellanos. Ñacía a la solombra xigante del so hermanu Gaspar Melchor, que-y restó protagonismu, fue una verdadera figura de la Ilustración. Culta, intelixente, escritora, bona conversadora, participó nos círculos d’intelectuales de Madrid y d’Asturies y dexó una obra poetíca onde se mecien lo crítico colo festivo, siempre calteniendo un típicu humor “playu”, xixonés, ciudá que la vio ñacer. Nesti cuidadosu llibru resúmese, de forma desenfadada apta pa tolos públicos, la visión que los autores tienen de la ilustre dama asturiana. Una de les grandes.


Testos:
Vicente García Oliva
ISBN:
9788412118254
Ilustraciones:
Ilemi Cuesta Mier
Númberu de páxines:
24
Formatu:
21 x 26
Idioma:
asturianu
Encuadernación:
tapa dura
Añu d’edición:
2020
PVP: 4,95€

El llibru va tener unes páxines de cortesía pa incluyir los nomes de los collaboradores particulares y los logos de les correspondientes empreses o fundaciones, colexos y llibreríes participantes.

Van aplicase los siguientes descuentos na precompra de llibros:

  • PARTICULARES:
    Unviada ensin gastos (a partir de 2 exemplares en territoriu peninsular) + el to nome o’l de la persona que tu quieras, va quedar incluyíu nes páxines de cortesía de la edición impresa + un exemplar dedicáu polos autores.
  • LLIBRERÍES:
    Compra mínima de 10 exemplares col 35% de descuentu. Unviada ensin gastos (territoriu peninsular). Contacta con nós pa realizar la to reserva d’exemplares.
  • COLEXOS Ya INSTITUCIONES EDUCATIVES:
    Compra mínima 10 exemplares con 15% de descuentu incluyiráse’l nome del centru educativu + la firma de los autores. Unviada ensin gastos (territoriu peninsular). Contacta con nós pa realizar la to reserva d’exemplares.

PLAZU PA REALIZAR LA PRECOMPRA: HASTA EL LLUNES 17 d’AGOSTU de 2020 (incluyíu)

FECHA DE LLANZAMIENTU: SETIEMBRE 2020

Editorial española especializada en literatura infantil y juvenil.
Entradas creadas 707

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

Comienza escribiendo tu búsqueda y pulsa enter para buscar. Presiona ESC para cancelar.

Volver arriba